Baydhabo,(insidesomalia.org) Nuur Xasan Xuseen (Nuur Cadde) oo loo badinayo in uu qabto jagada Wasiirka koowaad ee Xukuumadda KMG Soomaaliya ayaa xalay Magaalada Baydhabo kulamo kala duwan kula yeeshay Siyaasiyiin, hogaamiyaal dhaqan iyo Xildhibaano Baarlamaanka Soomaaliya ka mid ah.

Mr. Nuur Cadde Dadka uu la kulmay waxaa ka mid ah Guddoomiyaha Baarlamaanka Soomaaliya Md: Sheekh Aadan Maxamd Nuur (Madoobe) Duqa Magaalada Muqdisho Maxamed Dheere, Xildhibaano oo ay ka mid yihiin Muuse Suudi, Xuseen Caraale iyo Salaad Cali Jeelle.

Wararka ayaa sheegaya in Nuur Cadde dardar dhinaca Siyaasadda la yimid, isagoo ay barbar socdaan Siyaasiyiin uu ka mid yahay Duqa Magaalada Muqdisho.

Nuur Cadde oo laga yaabo inuu xitaa Siyaasadda Dibadda wax badan ka bedeli doona haddii uu ku guuleysto jagada Ra'iisul Wasaaraha cusub ee Xukuumadda Federaalka Soomaaliya.

Nuur cade ayaa dubadiiba sheegey in hadii loomagacaabo Wasiirka koowaad uu ku dhaqaaqi doono in uu isu soo dhaweeyo xiriirka aan wanaagsanayn ee ka dhaxeeya Xukuumadda Soomaaliya, Midowga Yurub iyo Jaamacadda Carabta.

Ra'iisul Wasaarihii lagu qasbay inuu jagada ka dego Cali Maxamed Geeddi waxaa uu ku fashilmay mudadii 3 sano ahey ee uu Xilka hayay in uu Wanaajiyo xiriirka ka dhaxeeya Carabta iyo Soomaaliya.

Dadka Soomaaliyed ayaa dhegta u taagaya Magacabista Ra'iisul Wasaaraha cusub ee Soomaaliya iyo qofka uu naqon doono.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment